တန်းတူအခွင့်အရေးအတွက် ပြည်နယ်တိုင်း ကိုယ်ပိုင်စစ်တပ်၊ ကိုယ်ပိုင်ရဲတပ်ဖွဲ့ရှိဖို့လို- RCSS ခေါင်းဆောင်ပြော

သျှမ်းသံတော်ဆင့်  

တန်းတူအခွင့်အရေး အတွက် ကိုယ်ပိုင်ပြည်နယ်စစ်တပ် ကိုယ်ပိုင်ရဲတပ်ဖွဲ့ ရှိသင့်သည်ဟု တာချီလိတ်ဒေသခံများနှင့်တွေ့ ဆုံစဉ် သျှမ်းပြည်တပ်မတော်ခေါင်းဆောင် ကပြောဆိုခဲ့သည်ဟုသိရသည်။

ယမန်နေ့မနက်ပိုင်းက ဝမ့်ဟောင်ရပ်ကွက်သားတဦးအား ဒု-ဗိုလ်ချုပ်ကြီးယွက်စစ်က “  ကျနော်တို့ ငြိမ်းချမ်းရေးတည် ဆောက်မှုဟာ ၇ ဆင့်ရှိတဲ့ လှေကားထစ်ကို တက်နေတာနဲ့တူတယ်။ အခုကျနော်တို့လုပ်နေတာ ပထမအဆင့်ဘဲရှိ သေး တယ်။ ငြိမ်းချမ်းရေးတည်ဆောက်ဖို့ မိဘပြည်သူတွေနဲ့ လက်တွဲရမယ် အဖက်ဖက်က လက်တွဲရမယ်။ နိုင်ငံရေးဆွေးနွေး ဖို့ဟာ ထွက်လမ်းပါဘဲ။ ဘာဘဲဖြစ်ဖြစ် တန်းတူအခွင့်အရေးရဖို့ တန်းတူညီမျှရှိဖို့ တိုင်းရင်းသားတွေ ပါဝင်တဲ့ မိမိပြည်နယ် အတွက် စစ်တပ်၊ ရဲတပ်ဖွဲ့ ရှိလိုတယ်” ဟုပြောဆိုခဲ့ ကြောင်း တွေ့ဆုံပွဲသို့ တက်ရောက်နားထောင်သူ စိုင်းပီးက ပြောဆို ပါသည်။

ရှမ်းပြည်မြောက်ပိုင်း စစ်ရေးတင်းမာ

(RFA)

ရှမ်းပြည်တိုးတက်ရေးပါတီ SSPP/SSA တပ်စခန်းတစ်ခုကို အစိုးရတပ်က နောက်ဆုတ်ပေးဖို့ ဒီရက်ပိုင်းအတွင်း က တောင်းဆိုခဲ့ပေမယ့် SSPP/SSA အဖွဲ့က သဘောမတူဘူးလို့သိရပါတယ်။
အခုရက်ပိုင်းအတွင်းမှာပဲ ရှမ်းပြည်အလယ်ပိုင်း ခိုလန်မြို့အခြေအစိုက် အရှေ့အလယ်ပိုင်းတိုင်း စစ်ဌာနချုပ် ကနေ မိုင်းရှုးမြို့နယ်အတွင်းက တာဆန်းပူး ဆိုတဲ့ SSPP/SSA စခန်းတခု ကို ဆုတ်ပေးဖို့ စစ်ဦးစီးပထမတန်း ဗိုလ်မှုးကြီး ကိုယ်တိုင် တယ်လီဖုန်းနဲ့ အကြောင်းကြားလာတာဖြစ်တယ်လို့ ရှမ်းသတင်းရပ်ကွက်အဆိုအရ သိရပါ တယ်။ ဒီကိစ္စနဲ့ပတ်သက်လို့ SSA ပြောရေးဆိုခွင့်ရှိသူ ဗိုလ်မှုး စိုင်းလောင်စိုင်းက -

အရှေ့ အလယ်ပိုင်းတိုင်း စစ်ဌာနချုပ်က SSPP/SSA ခေါင်းဆောင်တွေဆီ ညွန်ကြားချက်ထုတ်

(BBC)

အစိုးရနဲ့ မနှစ်တုန်း အပစ်အခတ် ရပ်စဲထားပြီးဖြစ်တဲ့ ရှမ်းပြည် တပ်မတော်မြောက်ပိုင်း ခေါ် ရှမ်းပြည်တိုးတက်ရေးပါတီ (SSPP) ရဲ့ တပ်စခန်းတခုကို ဖယ်ရှားပေးဖို့ အတွက် အရှေ့ အလယ်ပိုင်းတိုင်း စစ်ဌာနချုပ်က SSPP/SSA ခေါင်းဆောင်တွေဆီကို ညွန်ကြားလိုက်တယ်။

ဒီညွန်ကြားချက်နဲ့ ပက်သက်လို့ SSA ဘက်က ဆောင်ရွက်သွားမှာ မဟုတ်ဘူးလို့ သိရပါတယ်။

ကယန်း (ပဒေါင်) လူမျိုးတို့၏ ယဉ်ကျေးမှုဓလေ့စရိုက်

(မိုးမခ)

၂၀၁၃ခုနှစ် မတ်လ ၂၈ရက်မှ ၃ဝ ရက်နေ့အထိ မလေးရှားနိုင်ငံ၊ ဆာယာဝတ်မြို့၌ ကျင်းပပြုလုပ် ခဲ့သည့် အာဆီယံ ရုပ်ရှင်ပွဲတော်တွင် မြန်မာနိုင်ငံမှ “ကယန်းအလှ” ဇာတ်ကားဖြင့် ယှဉ်ပြိုင်ခဲ့ရာ ပြိုင်ပွဲဝင် ဇာတ်ကားပေါင်းများစွာထဲမှ Special Juror’s Award ဆုရရှိခဲ့သည်။ အဆိုပါဇာတ်ကားမှာ ကယန်းလူမျိုးတို့၏ ယဉ်ကျေးမှုဓလေ့စရိုက် ဘဝဖြတ်သန်းမှုပုံရိပ်နှင့် လူကုန်ကူးမှု၏သားကောင်ဖြစ်ကြရသည့် ကယန်းအမျိုးသမီး လေးများ၏ အကြောင်းကို အခြေခံ၍ ရိုက်ကူးထားသည့် ဇာတ်ကားဖြစ်သည်။

KNU နှင့် အစိုးရတို့၏ အလွတ်သဘော ဆွေးနွေးပွဲ၌ ရလာဒ်ကောင်းများ ရရှိပါသလား

(ရွှေဟင်္သာသတင်းဌာန)

ကရင် အမျိုးသား အစည်းအရုံး (KNU) သည် အစိုးရနှင့် အပစ်အခတ် ရပ်စဲစဉ် သဘောတူထားသည့် သဘော တူညီချက်  များကို အကောင်အထည် ဖေါ်ရာတွင် ကြံ့ကြာနေသည့် အတွက် အရေးကြီးနေသော စစ်ဖက်ဆိုင်ရာ ကိစ္စများကို ဆွေးနွေးရန် KNU ဖက်မှ အမြဲတမ်း တိုက်တွန်း နေခဲ့ရပါသည်။  

သို့သော် ပြီးခဲ့သည့် ၂၀၁၃ ခုနှစ် ဇွန်လ (၁၅) ရက်နှင့် (၁၆) ရက်နေ့ အလွတ်သဘော တွေ့ဆုံပွဲ ပြီးဆုံးသည် အထိ အဖြေ အတိအကျ မရရှိခဲ့သေးပေ။ KNU နှင့် အစိုးရတို့သည် ၂၀၁၂ ခုနှစ်၊ ဇန်န၀ါရီလ ၁၂ ရက်နေ့တွင် ပြည်နယ် အဆင့် အပစ်အခတ် ရပ်စဲရေးကို ဘားအံ မြို့တွင် လက်မှတ် ရေးထိုး ခဲ့ပါသည်။ ထို့အပြင် ဧပြီလ ၆ ရက်နေ့တွင် ပြည်ထောင်စု အဆင့် ဆွေးနွေးပွဲကို ရန်ကုန်မြို့တွင် ထပ်မံ ကျင်းပခဲ့ပြီး ၂၀၁၃ ခုနှစ် စက်တင်ဘာလ၃ ရက်နှင့် ၄ ရက်တို့တွင် ဘားအံမြို့ရှိ ဇွဲကပင် ခန်းမတွင် နောက်ထပ် တကြိမ် ဆွေးနွေး ခဲ့ပြီးနောက်ပိုင်း ယခု အချိန်ထိ တရားဝင် ဆွေးနွေးပွဲများ ထပ်မံ ကျင်းပနိုင်ခဲ့ခြင်း မရှိသေးပေ။

အစိုးရ စစ်ဆင်ရေးကြောင့် တအာင်း လူထုများ ကျေးရွာစွန့်ခွာနေ

(ရွှေဟင်္သာသတင်းဌာန)

ရှမ်းပြည်မြောက်ပိုင်း ကွတ်ခိုင်၊ နမ့်ခမ်းမြို့နယ်တွင် တအာင်း အမျိုးသား လွတ်မြောက်ရေး တပ်မတော် (TNLA) နှင့် အစိုးရ တပ်များ တိုက်ပွဲများ ပြင်းထန် လာနေသဖြင့်  ဒေသခံ တအာင်းရွာသားများ ကျေးရွာကို စွန့်ခွာ ထွက်ပြေး နေကြရကြောင်း နမ့်ခမ်းမြို့ခံ တစ်ဦးက ဆိုပါသည်။ 

“ တိုက်ပွဲတွေကတော့ စိပ်လာတယ်။ အထူးသဖြင့် နမ့်ခမ်းရွာဖက်မှာလေ။ အခုဆို ရွာတချို့  ရွာလုံးကျွတ် နီးပါး ထွက်ပြေးနေပြီး၊ အဲဒီလို ထွက်ပြေးတော့ တချို့ရွာတွေမှာ အစိုးရ တပ်သားတွေ အိမ်တွေကို တက်ဖေါက်တယ်။ ရှိသမျှယူသွား ကြတယ်။ လိုင်စင်ရ ဓါးပြလိုပါဘဲ။ မြင်မကောင်းပါဘူး။ လူတွေကလည်း ပရားကုန်ပြီး” ဟု ဆိုပါသည်။

သေနတ်လုထွက်ပြေးသောတရားခံကို တရုတ်ရဲတပ်ဖွဲ့က ဖမ်းဆီးရမိ မြန်မာဘက်သို့အပ်နှံ

သျှမ်းသံတော်ဆင့်  

သျှမ်းပြည်မြောက်ပိုင်း မူစယ်မြို့ တရားရုံး၌ တာဝန်ကျ ရဲထံမှ သေနတ်လု ပစ်ခတ်ပြီး ထွက်ပြေးလွတ်မြောက် သွားသော တရားခံ(၃)ဦးအနက် တစ်ဦးကို တရုတ်ပြည်ရဲတပ်ဖွဲ့က ဖမ်းဆီးပြီး မြန်မာနိုင်ငံရဲတပ်ဖွဲ့ကို  အပ်နှံခဲ့ ကြောင်း သျှမ်းသံတော်ဆင့်မှသတင်းရရှိသည်။

“၁၇ ရက် နေ့လည် ၂ နာရီလောက်က အရပ်ဝတ်နဲ့တရုတ်ရဲတပ်ဖွဲ့က အချုပ်တရားခံပြေး အိုက်ဆမ် နဲ့ သူ့ကိုလက် ခံကျွေးမွေးထားတဲ့ သူ့အကို အိုက်ယီ  ကို ခြေချုပ်လက်ချုပ်နဲ့ တရုတ်မြန်မာနယ်စပ် ၀င်/ထွက်ပေါက် နန်းတော်ပေါက်ကနေဝင်လာပြီး မြန်မာရဲကို လာအပ်တာ တွေ့ရတယ်” ဟု မျက်မြင် ကားသမား တစ်ဦးကပြောသည်။

ဒုတိယဗိုလ်ချုပ်ကြီး ရွက်ဆစ်အဖွဲ့နှင့် အရေးတယူ ငြိမ်းချမ်းရေး ဆွေးနွေးခြင်းမှာ '၀' အဖွဲ့ကို ချုပ်ကိုင်လို၍ နိုင်ငံရေး ကစားကွက်ရွှေ့ခြင်း မဟုတ်ကြောင်း ပြည်ခိုင်ဖြိုးပါတီ ဗဟိုအတိုင်ပင်ခံ ဦးအောင်သောင်း ပြောကြား

(Eleven Media Group)

ဒုတိယဗိုလ်ချုပ်ကြီး ရွက်ဆစ်အဖွဲ့နှင့် အရေးတယူ ငြိမ်းချမ်းရေး ဆွေးနွေးခြင်းမှာ '၀' အဖွဲ့ကို ချုပ်ကိုင်လို၍ နိုင်ငံရေး ကစားကွက်ရွှေ့ခြင်း မဟုတ်ကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဗဟိုအတိုင်ပင်ခံ ဦးအောင်သောင်းက ပြောကြားသည်ဟု မြန်မာသံတော်ဆင့် အပတ်စဉ်သတင်း အတွဲ ၂၊ အမှတ် ၁၅ တွင် ဖော်ပြထားသည်။

အစိုးရက ဘိန်းသောင်းကျန်းမှုကို လျစ်လျူရှု၍ ဒုတိယဗိုလ်ချုပ်ကြီး ရွက်ဆစ်နှင့်အဖွဲ့ကို အရေးတယူ ငြိမ်းချမ်းရေး ဆွေးနွေးနေသည်မှာ '၀' အဖွဲ့က ကိုယ်ပိုင်အုပ်ချုပ်ရေး ပြည်နယ် တောင်းဆိုသည့် ကိစ္စကို ချုပ်ကိုင်ချင်လို၍ နိုင်ငံရေး ကစားကွက်ရွှေ့သည် ဆိုခြင်း ဖြစ်နိုင်၊ မဖြစ်နိုင်ဟူသော မြန်မာ သံတော်ဆင့် အပတ်စဉ် သတင်း၏ မေးမြန်းမှုကို ဦးအောင်သောင်းက ယင်းကဲ့သို့ ထည့်သွင်း ပြောကြားခဲ့ခြင်း ဖြစ်သည်။

မြောက်ပိုင်း သျှမ်းပြည်တပ်မတော်၏ တပ်စခန်းအား အစိုးရစစ်တပ် ထပ်မံတိုက်ခိုက်

သျှမ်းသံတော်ဆင့်

သျှမ်းပြည်တောင် ပိုင်း ကျေးသီးမြို့နယ်အတွင်း စခန်းချထားသည့် သျှမ်းပြည်တိုးတက်ရေးပါတီ/ သျှမ်းပြည်တပ်မတော်၏ တပ်စခန်းဆီသို့ မြန်မာစစ်တပ်က တက်တိုက်သဖြင့် ယမန်နေ့က ၂ နာရီကြာတိုက်ပွဲဖြစ်ပွါးခဲ့ကြောင်း စုံစမ်း သိရှိရသည်။

“ကျေးသီးမြို့ ဟွေ့နားခီလင်းမှာတိုက်ပွဲဖြစ်တာ။၂ နာရီကြာ ပစ်ခတ်ကြတယ်။ အသေအပျောက် ဘယ်လောက်ရှိလဲတော့ အတိ အကျမသိရဘူး။ ဝမ့်ဖွီးရွာသားတွေပြောတာတော့ ဗမာ စစ်ကြောင်း ထမ်းစင်  ၁၀ ထမ်းထက်မနည်း ထမ်းလာတယ် လို့ပြောတယ်။ ဒဏ်ရာရတွေရော အလောင်းတွေရောတဲ့” ဟု ကျေးသီး မြို့ခံ စိုင်းစိုင်းက ပြောသည်။

DKBA နယ်မြေအတွင်း မြေမြှုပ်မိုင်း အန္တရာယ်မရှိတော့ဟု စစ်ဗျူဟာမှူး ပြော

(Mizzima)

ဗုဒ္ဓဘာသာ ကရင်အမျိုးသား အစည်းအရုံး DKBA ၏ ကရင်ပြည်နယ်အတွင်း ထိန်းချုပ်နယ်မြေများတွင် အသုံးပြုခဲ့သည့်
မြေမြှုပ်မိုင်းများ ယခုအချိန်တွင် အန္တရာယ်မရှိတော့ဟု DKBA စစ်ဗျူဟာမှူး ဗိုလ်မှူးကြီး ထွန်းထွန်းက မဇ္ဈိမကို ပြောသည်။

ဗိုလ်မှူးကြီးထွန်းထွန်းက ယခင် အစိုးရတပ်များနှင့် စစ်ဖြစ်ပွားမှုအတွင်း အသုံးပြုခဲ့သည့် မြေမြှုပ်မိုင်းများကို ရည်ညွှန်းကာ
ပြောဆိုခြင်းဖြစ်သည်။ ''ကျွန်တော်တို့ဘက်က သိတဲ့နေရာတွေ မှတ်မိတဲ့ နေရာတွေကို ပြန်ရှင်းတယ်။ ကျွန်တော်တို့
မြှုပ်ထားတဲ့ မိုင်းတွေက စိုးရိမ်စရာမရှိပါဘူး။ အခု အနေအထားမှာ စိုးရိမ်စရာမရှိတာက ကျွန်တော်တို့ သုံးတဲ့ မိုင်းတွေက ကန့်သတ်မိုင်းတွေ အချိန်ကာလအတိုင်းအတာ တစ်ခုအထိပဲ အကန့်အသတ်ရှိတယ်'' ဟု ဆိုသည်။

ဒုတိယအကြိမ် ဆွေးနွေးပွဲတွင်လည်း တပ်နေရာ မချထားနိုင်သေး

(ရွှေဟင်္သာသတင်းဌာန)

ကရင်နီ အမျိုးသား တိုးတက်ရေး ပါတီ (KNPP) နှင့် အစိုးရ ငြိမ်းချမ်းရေး ဖေါ်ဆောင်ရေး အဖွဲ့တို့၏ ဒုတိယ အကြိမ် ပြည်ထောင်စု အဆင့် ဆွေးနွေးပွဲတွင်လည်း နှစ်ဖက်တပ်များ နေရာချထားရေးကို မဆုံးဖြတ်နိုင်ခဲ့ကြောင်း KNPP အတွင်း ရေးမှူး (၂) ဖြစ်သူ ရွှေမျိုးသန့်က ဆိုပါသည်။

“ တပ်နေရာ ချထားရေး ကိစ္စကိုလည်း ဆွေးနွေးပါတယ်၊ အပြုသဘောဆောင်တဲ့ တိုးတက်မှု တွေ ရလာတယ်လို့ဘဲ ပြောစရာ ရှိတယ်။ တိတိကျကျတော့ မဟုတ်ပါဘူး။ နောက်မှဆွေးနွေးဖြစ်မှာပါ။ အခု သဘောတူလိုက်တာက အချက် (၈) ချက်ပါဘဲ။ ဒါလည်း အရင်က သဘော တူထားတဲ့ အချက် (၁၄) ချက်ကိုဘဲ ပြန် လည် သုံးသပ်ပြီးတော့ အချက် (၈) ချက်နဲ့ ချုပ်လိုက်တာပါ” ဟု ဆိုပါသည်။

မူဆယ် တရားရုံးမှ ထွက်ပြေးသည့် လူသတ်တရားခံ ၃ ဦးအနက် တဦး ဖမ်းမိ

(ဧရာဝတီ)

ရှမ်းပြည်နယ် မြောက်ပိုင်း မူဆယ်မြို့တွင် မူဆယ်ခရိုင် တရားရုံးအချုပ်မှ ထွက်ပြေးခဲ့သည့် လူသတ် တရားခံတဦးကို ဇွန် ၁၇ ရက်နေ့က တရုတ်နိုင်ငံရဲတပ်ဖွဲ့၏ အကူအညီဖြင့် ပြန်လည်ဖမ်းဆီးမိခဲ့ သော်လည်း အဓိကတရားခံကို ဖမ်းမမိသေးကြောင်း သိရသည်။
တရုတ်နိုင်ငံ လုံချွမ်ခရိုင်ရဲတပ်ဖွဲ့မှ မစ္စတာ ရန်လီပင်းနှင့် အဖွဲ့သည် တရားခံ ၃ ဦးအနက် ပြစ်မှုပုဒ်မ ၃၀၂/ ၃၂၆ ဖြင့် တရားစွဲ ခံထားရသော ထွက်ပြေး တရားခံ အိုက်ဆမ်ကို တရုတ်ပြည် တောင်ယာတဲ တတဲတွင် ဖွက်ပေးထားသည့် ၎င်း၏ အစ်ကို ဖြစ်သူ အိုက်ရီနှင့်အတူ ဖမ်းမိခဲ့ပြီး မူဆယ်မြို့ နှစ်နိုင်ငံ နယ်စပ်ထွက်ပေါက် ၁နန်းတော်ဂိတ်တွင် မူဆယ်ခရိုင် ရဲတပ်ဖွဲ့ထံ အပ်နှံခဲ့ကြောင်း မူဆယ်မြို့ ခရိုင်ရဲတပ်ဖွဲ့မှ တာဝန်မှူး တဦးက ဧရာဝတီသို့ ပြောသည်။

အစိုးရစစ်တပ်နှင့် TNLA တို့ တိုက်ပွဲပြင်းထန်၊ ကျဆုံးမှုများရှိ

(ဧရာဝတီ)

ရှမ်းပြည်နယ်မြောက်ပိုင်း ကွတ်ခိုင်မြို့နယ်အတွင်း အစိုးရစစ်တပ်နှင့် တအာင်း (ပလောင်) အမျိုးသားလွတ်မြောက်ရေး တပ်မတော် (TNLA) တို့ ထိပ်တိုက်ရင်ဆိုင်နေကြပြီး တိုက်ပွဲများ ရက်ဆက် ဖြစ်ပွားနေကာ ကျဆုံးမှုများ ရှိနေကြောင်း သိရသည်။

ကွတ်ခိုင်မြို့နယ် ငေါ့ငါးကျေးရွာအနီး အခြေစိုက်ထားသည့် TNLA ၁၁၂ တပ်ရင်းကို ထိုးစစ်ဆင်ရန် ကြိုးစားနေသည့် ကွမ်လုံမြို့နယ် အခြေစိုက် ခလရ ၁၄၅ တပ်ရင်းနှင့် TNLA ပျောက်ကျား တပ်များသည် ယမန်နေ့ နံနက် ၅ နာရီခွဲမှ စတင်ကာ  ငေါ့ငါးကျေးရွာ အထက်တွင် ၂ နာရီအကြာ တိုက်ပွဲဖြစ်ပွားခဲ့သည်။

အစိုးရနှင့် လက်နက်ကိုင် နှစ်ဘက်စလုံး အပစ်ရပ်ရန် ဒု-ဗိုလ်ချုပ်ကြီး ရွက်ဆစ် ပြော

(Mizzima)

ရှမ်းပြည်ပြန်လည်ထူထောင်ရေးကောင်စီ ဥက္ကဋ္ဌ/ရှမ်းပြည်တပ်မတော် (RCSS/SSA) မှ ဒုတိယဗိုလ်ချုပ်ကြီး ရွက်ဆစ်က ငြိမ်းချမ်းရေးလုပ်ငန်းစဉ်များ လုပ်ဆောင်ရာတွင် အစိုးရတပ်နှင့် လက်နက်ကိုင်တပ်တို့
နှစ်ဘက်လုံး အပစ်ရပ်ရန် သတိပေးပြောဆိုလိုက်သည်။

''နိုင်ငံတော်ပြောင်းလဲရာမှာလည်း လူကြီးတွေက အဓိကကျပါတယ်၊ ကျွန်တော်တို့ ပြည်သူတွေကလည်း အဓိကဆိုပေမယ့် နိုင်ငံရေး စိတ်ဓာတ်တွေနိုးကြားပြီး တက်တက်ကြွကြွဆောင်ရွက်ပေးဖို့ လိုအပ်ပါတယ်။ ငြိမ်းချမ်းရေး ဖော်ဆောင်တဲ့နေရာမှာလည်း နှစ်ဘက်စလုံး အပစ်အခတ်ရပ်စဲရမှာပါ၊။ တစ်ဖက်မှာ ငြိမ်းချမ်းရေးဆွေးနွေးတစ်ဖက်မှာ စစ်ဆင်နွှဲနေလို့ မရပါဘူး တစ်ဖက်က ပစ်နေရင်တော့ ငြိမ်းချမ်းမှာ မဟုတ်ပါဘူး'' ဟု သူကပြောသည်။

TNLA တပ်ရင်း ၁၁၂ နှင့် အစိုးရ ခလရ ၁၄၅ တို့ ထပ်မံ တိုက်ပွဲဖြစ်

(ရွှေဟင်္သာသတင်းဌာန)

တအာင်း အမျိုးသား လွတ်မြောက်ရေး တပ်မတော် (TNLA) တပ်ရင်း ၁၁၂ နှင့် ကွန်လုံမြို့ အခြေစိုက် အစိုးရ ခလရ ၁၄၅ တပ်ဖွဲ့တို့ ယနေ့ နံနက် ၅ နာရီခွဲမှ ၇ နာရီခွဲ အထိ ၂ နာရီ နီးပါး နမ့်ခမ်း မြို့နယ် ငေါ့ငါးကျေးရွာ အထက်ပိုင်းတွင် ထပ်မံ တိုက်ပွဲဖြစ်ပွား ခဲ့သည်ဟု TNLA တပ်မှူး တစ်ဦးက ဆိုပါသည်။ 

“ အစိုးရ ခလရ ၁၄၅ တပ်ဖွဲ့ ကတော့ မနက်ပိုင်း ၅ နာရီ ၃၀ ကနေ ၇ နာရီ ၃၀ အထိ လက်နက်ကြီး အလုံးပေါင်း ၄၀-၅၀လောက် အထိ TNLA  တပ်ရင်း ၁၁၂ ပြောက်ကျား တပ်စခန်း ရှိတဲ့နေရာတောင်ထိပ်ဆီကို ပစ်ပါတယ်။ ပြီးတော့ လက်နက်ကြီး ပစ်နေတဲ့ အချိန်မှာဘဲ စခန်းကို တက်တိုက်တော့ တိုက်ပွဲကတော့ ပြင်းပြင်းထန်ထန်ကို ဖြစ်သွားခဲ့တယ်။ သူတို့ တက်လို့ မရတော့မှ ပြန်ဆုတ်သွားလို့ ငြိမ်သွားတယ်” ဟု ဆိုပါသည်။