Friday, September 18, 2015

တိုက်ပွဲကာလ လုံခြုံစိတ်ချမှု မရှိသည့် အတွက် စည်းရုံးရေး မဆင်းကြရန် နိုင်ငံရေး ပါတီများအား RCSS/SSA သတိပေး

(သျှမ်းသံတော်ဆင့်)

သျှမ်းပြည် တပ်မတော် ထိန်းချုပ်နယ် မြေအတွင်း အစိုးရတပ် ထိုးစစ်ဆင် တိုက်ခိုက်သည့် အတွက် စည်းရုံးရေး ဆင်းမည့် ကိုယ်စားလှယ်လောင်းများ နိုင်ငံရေး ပါတီများ အတွက် လုံခြုံ စိတ်ချမှု မရှိသောကြောင့် စည်းရုံးရေး ယာယီ ရပ်နားထားရန် သျှမ်းပြည် တပ်မတော်မှ နိုင်ငံ ရေးပါတီများအား သတိပေး ထုတ်ပြန်ထားသည် ။


တနိုင်ငံလုံး ပစ်ခတ် တိုက်ခိုက်မှု ရပ်စဲဖို့ အဆင်သင့် ဖြစ်နေပြီဟု ဂျူလိုင် ၁၇ ရက် သဘော ထား ထုတ်ပြန်သည့် နောက်ပိုင်းမှ စ၍ ယနေ့ အထိ သျှမ်းပြည် တပ်မတော် RCSS/SSA  အား အစိုးရ တပ်မတော်မှ ပိုက်စိတ်တိုက် လိုက်လံ တိုက်ခိုက်သည့် အတွက် ၇ ကြိမ် ရင်ဆိုင် တိုက် ပွဲဖြစ်ပွားကြောင်း ၊ ဒေသခံကျေးလက် လူထုအား ဖမ်းဆီးရိုက်နှက်ခြိမ်းခြောက်ခြင်း ၊ လူထု အားပစ်ခတ် တိုက်ခိုက်ခြင်း တို့ကြောင့် လုံခြုံစိတ်ချမှု မရှိသည့် အတွက် RCSS/SSA ထိန်းချုပ် နယ်မြေအတွင်း စည်းရုံးရေး မဆင်းကြရန် နိုင်ငံရေး ပါတီများအား သျှမ်းပြည် တပ်မတော်မှ သဘောထား ထုတ်ပြန်ကာ သတိပေး လိုက်သည် ။

“ ကျနော်တို့ သွားလာလှုပ်ရှားတဲ့ ၁၆ မြို့နယ်အတွင်း အခြေစိုက်ပြီး ခြံလုပ်ငန်းတွေ ၊ မွေးမြူ ရေး လုပ်ငန်းတွေ လုပ်ဖို့ ကျနော်တို့ဘက်က တင်ပြထားတာဘဲ ။ ကျနော်တို့သွားလာ လှုပ် ရှားတဲ့နယ်မြေဘဲ ။ အခုကျတော့  ကျနော်တို့ တပ်တွေကို လိုက်လံ တိုက်ခိုက်နေတယ် ။ လူထု အပေါ် လူ့အခွင့်အရေး ချိုးဖေါက်နေတယ် ။ လုံခြုံစိတ်ချမှု မရှိတော့တဲ့ အတွက် စည်းရုံးရေး ဆင်းတာတွေ ယာယီရပ်နား ထားဖို့ပါ ။ လုံခြုံစိတ်ချမှုရှိမှ စည်းရုံးရေး ပြန်ဆင်းဖို့ပါ ” - ဟု ပြောခွင့်ရ ဗိုလ်မှူးကြီး စိုင်းလှ ကပြောသည် ။ 


၁၆ မြို့နယ်မှာ နမ့်ခမ်း ၊ နမ့်တူ ၊ ကျောက်မဲ ၊ နောင်ချို ၊ သီပေါ ၊ မိုင်းကိုင် ၊ လဲချား ၊ ပင်လုံ ၊ ကျေးသီး ၊ မိုးနဲ ၊ လင်းခေး ၊ မောက်မယ် ၊ ကွန်ဟိန်း ၊ မိုင်းတုံ ၊ မိုင်းယောင်း ၊ မိုင်းပြင်း မြို့နယ် များပါဝင်သည့် ဒေသများ ဖြစ်သည်ဟု ဆိုသည် ။


အခြေအနေ အားလုံးက အစိုးရ နှင့် တပ်မတော် အပေါ်သာ မူတည်ကြောင်း ၊ ယခုဖြစ်ပွားသည့် တိုက်ပွဲလည်း အစိုးရတပ်မတော်မှ နယ်မြေရှင်းလင်းရေး ၊ နယ်မြေ စိုးမိုးရေး တို့ကြောင့် ဖြစ်ကြောင်း ဗိုလ်မှူးကြီး စိုင်းလှ ကပြောသည် ။


မြန်မာ့ ငြိမ်းချမ်းရေး စင်တာမှ အဆင့်မြင့်အရာရှိ ဦးလှမောင်ရွှေက “ တိုက်ပွဲတွေဖြစ်နေတဲ့ အတွက် ဒီပြဿနာတွေကို ဖြေရှင်းဖို့ အတွက် နိုင်ငံရေး ဆွေးနွေးဖို့ လိုတယ် ။ တိုက်ပွဲရပ်မှ သွားရမယ် ၊ တိုက်ပွဲမရပ်လို့မသွားသေးဘူးလို့ စဉ်းစားရမယ့် အစား ၊ တိုက်ပွဲရှိရင်လဲ ရှိနေမှာ ပေါ့ဗျာ ၊ ဒါပေမယ့် နိုင်ငံရေး ဆွေးနွေးပွဲက ဒါတွေပြီးပြတ်အောင် ဆွေးနွေးညှိနိုင်းဖို့ လိုတယ် ” - ဟု သျှမ်းသံတော်ဆင့်သို့  စက်တင်ဘာ ၁၀ ရက်နေ့က ပြောသည် ။


သျှမ်းပြည်တပ်မတော် နှင့် မြန်မာအစိုးရတို့သည် ပြည်နယ်အဆင့် ၊ ပြည်နယ်အဆင့် ငြိမ်းချမ်းရေး လက်မှတ်ရေးထိုး ထားသည့် တပ်ဖွဲ့ဖြစ်သည် ။


သျှမ်းပြည် တပ်မတော် RCSS/SSA သည် ပြီးခဲ့သည့် ၆၈ ကြိမ်မြောက် ပြည်ထောင်စုနေ့ တွင်လည်း နိုင်ငံတော်နှင့် အတူ ငြိမ်းချမ်းရေး နှင့် အမျိုးသား ပြန်လည် သင့်မြတ်ရေး ဆိုင်ရာ ကတိပြုချက် သဘောတူ လက်မှတ်ရေးထိုးထား သည့်တပ်ဖွဲ့ဖြစ်သည် ။ ထို့အတွက် မြန်မာ အစိုးရနှင့် နီးစပ်လာနေသည့် တပ်ဖွဲ့များအနက် RCSS/SSA က တဖွဲ့ပါဝင် သည်ဟု အခြား လက်နက်ကိုင် တော်လှန်ရေးတပ်ဖွဲ့ ခေါင်းဆောင်များမှ ဝေဖန်ခြင်းခံ နေရသည့် တပ်ဖွဲ့ လဲဖြစ်သည် ။

 

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။