စစ်အင်အားသုံးထားသည့် မူးယစ်ဆေးတိုက်ဖျက်ရေး အစီစဉ်ကို SSPP လက်မခံ

ရွှေဟင်္သာသတင်းဌာန

အစိုးရသည် မူးယစ်ဆေးဝါး တိုက်ဖျက်ရေး အစီစဉ်ကို အကြောင်းပြပြီး ရှမ်း ပြည်တိုးတက်ရေးပါတီ SSPP နယ်မြေအတွင်း သို့ စစ်အင်အားဖြင့် ဝင်ရောက်လာပါက ပြတ်သားစွာ အရေးယူရမည်ဖြစ်ကြောင်း ပြောခွင့်ရှိသူ ဗိုလ်မှူးစိုင်းလ ကပြောပါ သည်။

“ အစိုးရရဲ့ မူးယစ်ဆေးဝါး တိုက်ဖျက်ရေး အစီအစဉ်ကို ကျနော်တို့က ကြိုဆိုပေမဲ့ ဒါတွေကို ညှိနှိုင်းတိုင်ပင်ပြီး ဆောင်ရွက် မယ်ဆိုရင်တော့ ကောင်းတာပေါ့ဗျာ။ ကိုယ့်သဘောနဲ့ကို ဆိုရင်တော့ ကျနော်တို့ဘက်က လက်ခံနိုင်မှာ မဟုတ်ပါဘူး။ မနှစ်တုန်းကဆိုရင် အစိုးရရဲ့ မူးယစ်ဆေးဝါး အဖွဲ့ဝင် (၂) ဦးလာခဲ့ဘူးတယ်။ သူတို့ သွားချင်တဲ့ နေရာကို ကျနော်တို့ လိုက် ပို့ပေးပါတယ်။ ဒီပုံစံနဲ့ လာမယ်ဆိုရင် ကြိုဆိုပါတယ်ဗျ။ စစ်တပ်နဲ့ လာမယ်ဆိုရင် ကျနော်တို့ဘက်က ကာကွယ်ရလိမ့်မယ်။” ဟုဆိုပါသည်။


ရှမ်းပြည်နယ်အရှေ့တောင်ပိုင်း မိုင်းဆတ်ခရိုင်တွင် ပြီးခဲ့သည့် ဒီဇင်ဘာလ ၁၆ ရက်နေ့တွင် ခရိုင် မူးယစ်ဆေးဝါး တိုက် ဖျက်ရေးနှင့် ကာကွယ်တားဆီးရေးအဖွဲ့၊ ဌာနဆိုင်ရာများနှင့် ကျေးရွာအုပ်ချုပ်ရေးမှူး ပူးပေါင်းပါဝင်သော အဖွဲ့ ၁၂ ဖွဲ့သည် အစိုးရတပ်ဖွဲ့တို့၏ လုံခြုံရေးအစီစဉ်ဖြင့် မူးယစ်ဆေးဝါးများကို လိုက်လံဖျက်ဆီးခဲ့ပါသည်။

SSPP သည် ဤအစီစဉ်မျိုးဖြင့် ရှမ်းမြောက်ပိုင်းရှိ SSPP နယ်မြေအတွင်းသို့ ဝင်ရောက်လာပါက လက်ခံလိမ့်မည် မဟုတ်ဟု ဗိုလ်မှူးစိုင်းလက ပြောဆိုသွားခြင်းဖြစ်ပါသည်။ 

မူးယစ်ဆေးဝါးတိုက်ဖျက်ရေး အစီစဉ်ကို SSPP ၌လည်း လုပ်ဆောင်နေသဖြင့် ဤအစီစဉ်ကို အစိုးရကိုယ်စားလှယ်များ လာရောက် ကြည့်ရှု့ နိုင်ပါသည်ဟု ဗိုလ်မှုးဆိုင်လက ဆိုပါသည်။ သို့သော် စစ်တပ်အင်အားဖြင့် လာရောက်ခြင်း မပြုနိုင် ကြောင်းဆိုပါသည်။ 

ကုသမဂ္ဂ မူးယစ်ဆေးဝါးနှင့် ပြစ်မှုဆိုင်ရာရုံး (UNODC) သည် မူးယစ်းဆေး တိုက်ဖျက်ရာတွင် အစိုးရနှင့် ဒေသခံအဖွဲ့များ ပူးတွဲဆောင်ရွက်ရေးကို တိုက်တွန်းနေသလို ညှိနှိုင်းမှုများလည်း ပြုလုပ်ခဲ့ပါသည်။ ဤအစီစဉ်မျိုးဖြင့် ဆောင်ရွက် သင့်သော် လည်း အစိုးရဘက်က SSPP အားလာရောက် ဆွေးနွေးခြင်းမရှိသေးသလို SSPP အနေနဲ့လည်း အစိုးရအား တင်ပြထား ခြင်းမရှိသေးဟု ဆိုပါသည်။

 ဓါတ်ပုံ (UNODC)

 မူးယစ်ဆေးဝါး တိုက်ဖျက်ရေးတွင် SSPP နှင့်အစိုးရတို့သည် အပြန်အလှန်ယုံကြည်မှု မရှိကြပေ။ အကြောင်းမှာ အစိုးရတပ် ဖွဲ့များမှ အကာအကွယ်ပေးထားသော မူးရစ်ဆေးစိုက်ခင်းများ ရှိသလို လက်နက်ကိုင် အဖွဲ့အစည်းများဖက်မှလည်း အကာအကွယ်ပေးထားသော စိုက်ခင်းများ ရှိနိုင်ပါသည်။ ထို့အပြင် အစိုးရသည် မူးရစ်ဆေးဝါးနှိမ်နှင်းရေးကို အကြောင်းပြပြီး စစ် ရေးအရ အမြတ်ထုတ်လာမည်ကို စိုးရိမ်ရသည့်အတွက် အပြန်အလှန် မယုံကြည်ကြခြင်း ဖြစ်ဖွယ်ရှိသည်ဟု အကဲခတ် များ က ဆိုပါသည်။ 

မြန်မာနိုင်ငံသည် ၂၀၁၂ ခုနှစ်တွင် ကမ္ဘာ့ဒုတိယ ဘိန်းအများဆုံး ထုတ်လုပ်သည့် နိုင်ငံဖြစ်ကြောင်း ကုသမဂ္ဂ မူးယစ်ဆေး ဝါးနှင့် ပြစ်မှုဆိုင်ရာ ရုံး UNODC ၏ အစီရင်ခံစာတွင် ဖော်ပြ ထားပါသည်။ ဘိန်းအများဆုံး စိုက်ပျိုးသော ဒေသများမှာ ရှမ်းပြည်နယ် အရှေ့ပိုင်း၊ တောင်ပိုင်းနှင့် မြောက်ပိုင်းတို့ ဖြစ်ကြပြီး တနိုင်ငံလုံး၏ ၉၀% ခန့် ရှိကြောင်း ပါရှိပါသည်။