Thursday, May 22, 2014

ဆက်ဆံရေးရုံးကို ၀င်စီးနင်းမှု ငြိမ်းချမ်းရေး ထိခိုက်နိုင်ဟု ရှမ်းပြည်တပ်မတော်ပြော

(DVB)

ရှမ်းပြည်နယ် အရှေ့ပိုင်း ကျိုင်းတုံမြို့ က ရှမ်းပြည်ပြန်လည် ထူထောင်ရေးကောင်စီ ရှမ်းပြည် တပ် မတော်တောင်ပိုင်း အဖွဲ့ရဲ့ ဆက်ဆံရေး ရုံး ကို စရဖ နဲ့ ရဲတပ်ဖွဲ့တွေ က ကြိုတင် အကြောင်းကြားခြင်း မရှိ ဘဲ ဒီလဆန်း ပိုင်းက ၀င်ရောက် စီးနင်း ရှာဖွေတာ ဟာ ရှမ်း တပ်မတော်နဲ့ အစိုး ရကြား ငြိမ်းချမ်းရေး အတွက် ယုံကြည်မှု တည်ဆောက် မှုကို လျော့နည်း သွားစေတယ်လို့ ရှမ်းပြည် တပ်မတော် က ပြောပါ တယ်။

မေလ ၂၁ ရက်နေ့မှာ ကျရောက်တဲ့ ၅၆ နှစ်မြောက် ရှမ်းပြည်အမျိုးသားတော်လှန်ရေးနေ့ အခမ်းအနားမှာ ထုတ်ပြန်ပြောဆိုလိုက်တာပါ။

 
တကယ်လို့ အပစ်ခတ်ရပ်စဲရေး ပျက်ပြယ်သွားမယ်ဆိုရင် အစိုးရတပ်ဘက်က ဦးစွာ အကြောင်းရှာ လာတာဖြစ်တဲ့အတွက် ရှမ်းပြည်တပ်မတော်ရဲ့ အပြစ်မဟုတ်ကြောင်း၊ ဒါ့အပြင် ရှမ်းပြည်တပ်မတော်ဟာ ကိုယ်ပိုင်ပြဋ္ဌာန်းခွင့်ရရေးအတွက် နိုင်ငံရေးပြသနာကို ငြိမ်းချမ်းတဲ့နည်းနဲ့ ဖြေရှင်းသွားမှာဖြစ်ပေမယ့်လည်း ငြိမ်းချမ်းတဲ့နည်းနဲ့ ဖြေရှင်းလို့ မရရင်တော့ မိမိအမြင့်ဆုံး ရည်မှန်းချက်အတွက် ဆက်လက်ပြီး လက်ကိုင်ကိုင်တိုက်ပွဲဝင်သွားမယ်လို့ ထုတ်ပြန်ကြေညာထားပါတယ်။

ရှမ်းပြည်တပ်မတော် တောင်ပိုင်းဌာနချုပ် လွိုင်တိုင်းလျဲန်းမှာ ကျင်းပခဲ့တဲ့ ရှမ်းပြည် အမျိုးသား တော်လှန်ရေးနေ့ အခမ်းအနားမှာ စစ်သည်ပေါင်း ၁၀၀၀ ကျော် စစ်ရေးအင်အားပြခဲ့ပါတယ်။
အလားတူ ရှမ်းပြည်တပ်မတော် မြောက်ပိုင်း ဌာနချုပ်ဝမ်ဟိုင်းမှာလည်း ရှမ်းပြည်အမျိုးသား တော်လှန်ရေးနေ့ အခမ်းအနားကို စစ်အင်အား ၇၀၀ ကျော်နဲ့ ကျင်းပခဲ့ပြီး ရှမ်းပြည်တပ်မတော် တောင်ပိုင်းမြောက်ပိုင်း ခွဲခြားမှုမရှိဘဲ တစုတစည်း တည်းဖြစ်အောင်ကြိုးစားသွားဖို့ သ၀ဏ်လွှာ ပေးပို့ခဲ့ပါတယ်။

၁၉၄၈ ခုနှစ် မြန်မာနိုင်ငံလွတ်လပ်ရေးရဖို့ ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင် တွေကြား ပင်လုံစာချုပ်သဘောတူမှု ရခဲ့ပေမယ့် ၁၀ နှစ်ကျော်ကြာတဲ့အခါ အာဏာရမြန်မာအစိုးရ ဘက်က စာချုပ်ပါအတိုင်း မဆောင်ရွက်တဲ့အတွက် ၁၉၅၈ ခုနှစ် မေလ ၂၁ ရက်နေ့မှာ စ၀်နွဲ့စောယန္တ ဦးဆောင်တဲ့ ရှမ်းမျိုးချစ်လူငယ်တွေ ရှမ်းပြည်လွတ်လပ်ရေးအတွက် စတင် ကြိုးပမ်းပြီး သွေးသစ္စာအတူသောက်ခဲ့တဲ့နေ့ကို အစွဲပြုလို့ ရှမ်းပြည် အမျိုးသားတော်လှန်ရေးနေ့ ပေါ်ပေါက်ခဲ့တာ ဖြစ်ပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။