ရခိုင် တပ်မတော် စစ်ဦးစီးချုပ် ဗိုလ်မှူးချုပ် ထွန်းမြတ်နိုင်နှင့် တွေ့ဆုံခြင်း

(The Voice Weekly)

မြန်မာ နိုင်ငံတွင် သက်တမ်း အနုဆုံး တိုင်းရင်းသား လက်နက်ကိုင် အဖွဲ့ တစ်ခု ဖြစ်ပြီး (၂၀၀၈) ခုနှစ်တွင် ကေအိုင်အို ထိန်းချုပ် နယ်မြေ အတွင်း ယာယီ ဌာနချုပ် ဖွင့်လှစ် တည်ထောင် ထားသော ရခိုင် တပ်မတော် (AA) ၏ စစ်ဦးစီးချုပ် ဗိုလ်မှူးချုပ် ထွန်းမြတ်နိုင် နှင့် The Voice သတင်း အဖွဲ့ လိုင်ဇာမြို့၌ တွေ့ဆုံ မေးမြန်း ထားသည် များကို ဖော်ပြ အပ်ပါသည်။

Voice : ရခိုင် တပ်မတော် အကြောင်းကို အနည်းငယ် ပြောပြပေးပါ။

UTMN : ကျွန်တော်တို့ ရခိုင်တပ်မတော် (Arakan Army ) က ရခိုင်ပြည် ထဲမှာတော့ တက္ကသိုလ် ကျောင်းသားတွေနဲ့ နေရာ အနှံ့အပြား တည်ဆောက် တာတော့ကြာ ပါပြီ။ ပြည်တွင်းစစ် အစိတ်အပိုင်းမှာ ကျွန်တော်တို့ ရခိုင်တွေ ကတော့မပါဘူးဗျ။ ဒါပေမဲ့ ကျွန်တော်တို့ ရခိုင်တွေက အရမ်း ဆင်းရဲတယ်။ သယံဇာတ တွေလည်း အများကြီးရှိတယ်။ အလားအလာ ကောင်းတွေ အများကြီး ရှိပေမယ့် စီးပွားရေး၊ လူမှုရေး၊ ကျန်းမာရေး၊ ပညာရေး အစစ အရာရာ အကုန်လုံးက အနိမ့်ဆုံးကို တဖြည်းဖြည်း ဆင်းသွားတော့ ကျွန်တော်တို့ တက္ကသိုလ် ကျောင်းသား အရွယ်တုန်းက ဒါတွေကို မြင်လာတယ်။ အဲဒီတုန်းက ကရင်ပြည်တို့ ဘာတို့ ဆိုတာ တိုက်ပွဲပြင်းထန် တယ်လေ။ ကရင်ပြည်က ကလေး တွေရော၊ ကလေးမ တွေရော အပြင်တွေ ရောက်ကုန်တယ်။ ဒုက္ခရောက် ပြီးမှပေါ့။ ဒါက ဘယ်လိုဖြစ်တယ် ဆိုတာ အကျိုးအကြောင်း ဆက်စပ်ယူလို့ ရတယ်လေနော်။ ဘာကြောင့် ဆင်းရဲ နေတာလဲ။ ဘာကြောင့် ခက်ခဲ နေတာလဲ။ စစ်ဖြစ်နေလို့ ခက်ခဲရတယ်။ စစ်ဖြစ်နေလို့ ဒုက္ခရောက် ကြတယ်ပေါ့။ ဒါပေမဲ့ ကျွန်တော်တို့ ရခိုင်မှာ ကျတော့လည်း ဒီထက်တောင် ပိုဆိုးနေတယ်။

အဲဒီ အခြေအနေ တွေဟာ ဘာကြောင့်လဲပေါ့။ ဒါတွေဟာ ဖိနှိပ် မှုကြောင့်ပေါ့။ တကယ် ရှင်းရှင်း လင်းလင်း ပွင့်ပွင့်လင်းလင်း အားမနာ စတမ်း ပြောရ ရင်တော့ ကျွန်ပြု တာပေါ့ဗျာ။ ကျွန်တော်တို့ သွေးစုပ် ခံရတယ်လို့ပဲ မြင်တယ်။ ဥပမာ - လမ်းတစ်လမ်း ဖောက်ဖို့အတွက် ကျောက်တုံးတွေကို သယ်တဲ့ နေရာကလမ်းဟာ အရမ်းဆိုးတယ်။ ဒါပေမဲ့ အဲဒီ နေရာက ကျောက်တုံး တွေနဲ့ပဲ တခြားနေရာမှာ လမ်းတွေ ဖောက်သွားတယ်။ အဲလို အနေအထား မျိုးတွေ။ လျှပ်စစ် မီးတို့ ဘာတို့ ဆိုတာလည်း မရှိဘူးလေ။

ကျွန်တော် ရန်ကုန်ကို ပထမဆုံး ရောက်ဖူးတုန်း ကဆိုရင် (၉၆) လောက်တုန်းက ဖြစ်မယ်ထင်တယ်။ အဲဒီတုန်းက ကျွန်တော်တို့ စစ်တွေ မှာဆိုရင် လျှပ်စစ်မီးက တစ်နေ့ လုံးမှ နှစ်နာရီ လောက်ပဲ ရတယ်။ ပြီးရင် တစ်ယူနစ်ကို (၄၀၀) ကျော်လောက် ပေးရတယ်။ ရန်ကုန်မှာ(၂၅) ကျပ်ပဲ ပေး ရတယ်။ကျွန်တော်တို့ ဆယ်တန်းအောင်စ (၁၉၉၆) တုန်းက ရန်ကုန်ကို လာကြတော့ ကျွန်တော်တို့ ရခိုင်ပြည်လေ အရမ်းမှောင်တာ။ အရမ်းမှောင်ပြီးမှ ပဲခူးရိုးမ ထိပ်ကို ရောက်တာနဲ့ ဟိုးဘက်မှာ လင်းပြီးမှ သစ်ပင်တွေ မှာတောင် လျှပ်စစ်မီး ထွန်းထားတယ်။ ဒါတွေဟာ ကွာခြားချက်တွေ၊ ခြားနားချက် တွေပဲ။ ဒီလိုမျိုး အကြောင်းတရား တွေပေါ့ အများကြီးပါ။ ဒါတွေဟာ ငါတို့ အခွင့်အရေးတွေ ဆုံးရှုံးနေ တာပဲပေါ့။ မြန်မာနိုင်ငံ လွတ်လပ်ရေး ရတယ်။ သို့သော် ကျွန်တော်တို့ မပါ သလိုပဲပေါ့။ ကျွန်တော်တို့ ရပိုင်ခွင့် အခွင့်အရေး တွေကို ဆုံးရှုံး နေတယ်ပေါ့။ ဒီလိုမျိုး အကြောင်း တရား တွေကြောင့် ကျွန်တော်တို့ ရခိုင် တပ်မတော်ဟာ မွေးဖွားလာ ခဲ့တာပါ။

Voice : ရခိုင် တပ်မတော်ဖွဲ့ ပြီးနောက်ပိုင်း အစိုးရနဲ့တပ်ချင်း ထိတွေ့မှုတွေ ရှိလား။

UTMN : ထိတွေ့မှု ဆိုတာတော့ ကျွန်တော်တို့  ရခိုင် တပ်မတော်က အဓိက ကချင်ပြည်နယ်မှာ လှုပ်ရှားတာ များတယ်။ တခြားနယ်မြေ တွေမှာလည်း အများကြီး ရှိတယ်။ တိုက်ပွဲ ကာလမှာဆို ရှေ့တန်းတွေမှာ တပ်ရင်း အလိုက်တော့ မဟုတ်ဘူးပေါ့။ စစ်ကြောင်း အလိုက် ခံစစ် စခန်းတွေမှာ နေပြီးမှ လှုပ်ရှားတာ ရှိတယ်။ နောက်ပြီးမှ ရန်သူ စစ်ကြောင်းတွေ ဝင်လာရင် လှုပ်ရှားထွက်ပြီးမှ ဖြတ်တောက် တာတွေ ရှိတယ်။ တိုက်ပွဲတွေ ကတော့ အများကြီးပါပဲ။

Voice : လက်ရှိ အစိုးရနဲ့ ငြိမ်းချမ်းရေး ဆွေးနွေးမှု အခြေအနေ အပိုင်းရော ဘယ်လိုရှိလဲ။

UTMN : အစိုးရက ကျွန်တော်တို့ နဲ့တော့ ငြိမ်းချမ်းရေး ကိစ္စဘာမှ မပြောသေးဘူးဗျ။ ကျွန်တော်တို့က ကချင်ပြည်မှာ အခြေစိုက် ထားတယ်ဆိုတော့ သူတို့ အမြင်မှာ KIO/KIA နဲ့ ဆွေးနွေးလို့ အဆင်ပြေရင် အကုန်လုံး ပြီးသွားမယ်လို့များ ထင်လား မသိဘူးလေ။ ကျွန်တော်တို့ အမြင် ကျပြန်တော့ နောက် တစ်မျိုး ဖြစ်နေတယ်။ မြန်မာ နိုင်ငံမှာ နိုင်ငံရေး ပြဿနာက နက်နက် ရှိုင်းရှိုင်း ရှိတယ်လေ။ အဲဒါကို တကယ်တမ်း တိုင်းရင်းသား တန်းတူအခွင့် အရေးတွေနဲ့ နိုင်ငံရေး အရ ဖြေရှင်းမယ်ဆိုရင် အကုန်လုံး နဲ့တော့ ဖြေရှင်းဖို့လို ပါလိမ့်မယ်။ ကချင်နဲ့ အပစ်ရပ် လိုက်လို့ ရခိုင်နဲ့ ပြဿနာပြီး သွားမယ်လို့တော့ မဟုတ်ဘူးလေ။ သူတို့ဘက် ကလည်း အကြောင်း ပြချက် တွေကတော့ အများကြီးပေါ့ဗျာ။

Voice : ငြိမ်းချမ်းရေး ဆွေးနွေးမှု မရှိသေးဘူး ဆိုတော့ အစိုးရဘက်ကို ဘယ်လို ဖြစ်စေချင်လဲ။

UTMN : တကယ်တမ်း ဆိုရင်တော့ ဒါက နိုင်ငံရေးကြောင့် ဖြစ်တဲ့ ပြဿနာတွေ ဆိုတော့ ကျွန်တော်တို့လည်း မြန်မာနိုင်ငံရဲ့ နိုင်ငံရေးပြောင်းလဲမှု ဖြစ်ပေါ် တိုးတက်မှု အခြေ အနေမှာ ပူးပေါင်း ဆောင်ရွက်လိုတဲ့ ဆန္ဒတော့ရှိတယ်။ ဘာကြောင့် လဲဆိုတော့ ဒါဟာ ဆန္ဒ ဆိုတာထက် လိုအပ်ချက် တစ်ခုဖြစ်ပါတယ်။ ကျွန်တော်တို့က ဒီနိုင်ငံကို ပေါင်းပြီးတော့ တည်ဆောက် ရမှာပဲ။ ဒီတိုင်းပြည်ကြီး မအေးချမ်းရင် ကျွန်တော်တို့ အနာဂတ် မျိုးဆက်သစ် တွေရဲ့ အနာဂတ်တွေရော၊ တိုင်းပြည်ရဲ့ ဂုဏ်သိက္ခာရော၊ အပြင်ကို ထွက်ကြည့်ရင် အရမ်းကို သိသာပါတယ်။ ကျွန်တော်တို့ လူမျိုးတွေကို တခြားနိုင်ငံက ဘယ်လို ဆက်ဆံကြလဲ။ ဒါတွေကို လည်းဝိုင်းပြီး ကုစားရမှာပေါ့။

Voice : ရခိုင် တပ်မတော် ဆိုတာက (၂၀၀၈) ခုနှစ်မှာ စဖွဲ့တယ်လို့ သိရတယ်။ အဲဒီ အရင် လက်နက်ကိုင် တပ်ဖွဲ့နဲ့ပတ်သက်ပြီး အတွေ့အကြုံ ရှိခဲ့လား။ ဘယ်လိုဖွဲ့ဖြစ်ခဲ့လဲ။

UTMN : လက်နက်ကိုင် အတွေ့အကြုံရယ် လို့တော့ မဟုတ်ဘူးပေါ့။ ဒါပေမဲ့ ကျွန်တော်တို့က နိုင်ငံရေး ခံယူချက် အမြင်တွေပေါ့၊ နောက်ပြီး ကျွန်တော်တို့ ရခိုင်ဗတွ ကတော့ သမိုင်းပေး တာဝန်တွေလည်း ရှိတယ်လေ။ ကျွန်တော်တို့လည်း ကိုယ့်ကံကြမ္မာ ကိုယ်ဆုံးဖြတ် နိုင်တဲ့လူမျိုး တစ်မျိုးပဲလေ။ ဒါကြောင့် ဘဝပေး အသိရှိတယ်။ အဲဒါတွေနဲ့ပဲ ကျွန်တော်တို့ ရခိုင်တပ်မတော် တည်ထောင်တယ်။ တိုက်ပွဲ အတွေ့အကြုံ ကတော့ဒီမှာ တိုက်တာတော့ (၂) နှစ်တိတိပါပဲ။ စပြီးသေနတ်သံ မြည်ကတည်းက ကျွန်တော်တို့ တိုက်လာတာပဲ။ ထိပ်ဆုံး ကနေ တိုက်တာပဲ။ ဒါကလည်း မိတ်ဆွေ အိမ်မှာ နေရင်မိတ်ဆွေ ပီသရတာပေါ့။ တစ်ဖက်ကလည်း ဖိနှိပ်တဲ့ ဘုံရန်သူကို တိုက်တာပဲလေ။ အခြားဟာ တွေလည်း အများကြီး ရှိပါတယ်။ တချို့ကျတော့ စစ်ဘက်ဆိုင်ရာ သတင်း အချက်အလက် လုံခြုံရေး အရ မပြောနိုင် တာလည်းရှိပါတယ်။

“လူမျိုးတိုင်းက ကိုယ့်လူမျိုးကို ကာကွယ်ဖို့ရှိ သင့်တယ်ဆိုပြီး ကျွန်တော်တို့ဖွဲ့ ပေမယ့် သွေးထွက် သံယိုတွေနဲ့ မဖြေရှင်းလိုဘူး။ ဒါဟာ အချင်းချင်း သတ်ဖြတ်ဖို့ အတွက် မဟုတ်ပါဘူး။ အခွင့်အရေးတွေ ကာကွယ်ဖို့ အတွက်ပဲ…”

Voice : ရခိုင်ပြည်နယ်မှာ ကြုံရနေတဲ့ ပြဿနာတွေကို ရခိုင် တပ်မတော် အနေနဲ့ ဘယ်လိုပါဝင် ဖြေရှင်းဖို့ရှိလဲ။

UTMN : ပုံမှန် တပ်တစ်ခုရဲ့ တာဝန် ဆိုရင်တော့ ကိုယ့်ရဲ့ နယ်မြေ လုံခြုံရေး၊ ကိုယ့်ရဲ့ လူမျိုး လုံခြုံရေးအတွက် တာဝန်ရှိတယ်လေ။ ဒါပေမဲ့ ဒီပြဿနာတွေက သွေးရိုးသားရိုး ဖြစ်တဲ့ ပြဿနာတွေ မဟုတ်လေတော့ ကျွန်တော်တို့လည်း နိုင်ငံရေးအရ ထိုးဖောက် မြင်နိုင်အောင် ကြည့်တတ်ဖို့ လိုတယ်။ ရခိုင်ပြည်မှာ ကျတော့ တိုင်းပြည်ရဲ့ အရေးကိစ္စတွေကို ဆုံးဖြတ်နိုင်တာက ကျွန်တော်တို့ ရခိုင်လူမျိုးတွေ မဟုတ်ဘူးဗျ။ အဲဒါကြောင့် အချို့ ကိစ္စတွေကျတော့ ဘယ်လို ကိုင်တွယ်ရမယ်။ ဘယ်လိုမျိုး လူထုကို စနစ်တကျ ဦးဆောင်မှု ပေးပြီးမှ ဘယ်လို နည်းမှန် လမ်းမှန် ဖြေရှင်းသင့် တယ်ဆိုတဲ့ အနေအထား တွေက လုပ်ပိုင်ခွင့် မရှိဘူး ဖြစ်နေတယ်။ သူတို့ကလည်း ပေးမှာလည်း မဟုတ်ပါဘူး။ ကျွန်တော်တို့ ကိုယ်တိုင် တဖြည်းဖြည်းချင်း တည်ဆောက်ယူ ရမှာပဲ၊ အချိန်ပေးပြီးမှ တည်ဆောက်ယူ ရမှာပဲ။ ဒါဟာ မဖြစ်သင့်တဲ့ ပြဿနာ ပဲလေ။ ပြီးရင် စနစ်တကျ စိစစ်ယူရမှာပေါ့။ ပြောနေကြတဲ့ ခိုးဝင် ဘင်္ဂါလီ ဘာညာ ပြောကြတယ်ပေါ့။ အချို့ကျတော့ နဂိုကတည်းက ရှိတဲ့သူလည်း ရှိတယ်။ ခိုးဝင်တဲ့ သူလည်း ရှိတယ်။ ဒါကို စနစ်တကျ ဆောင်ရွက်တာ ကတော့ အကုန်လုံး အတွက် အကျိုးရှိ ပါလိမ့်မယ်။