စာရွက်ပေါ်တွင် ပျောက်သွားမယ့် ဒုတိယ ပင်လုံစာချုပ်လား

(Mizzima)

လွန်ခဲ့သည့် ၆၈ နှစ် ဖေဖော်ဝါရီ ၁၂ ရက်တွင် တောင်တန်း၊ ပြည်မမခွဲခြားဘဲ လွတ်လပ်ရေး အရယူကြရန် တိုင်းရင်းသား ခေါင်းဆောင်ကြီးများ စိတ်တူ၊ ကိုယ်တူ ပင်လုံစာချုပ်ကို လက်မှတ်ထိုးလျက် တိုင်းရင်းသား စည်းလုံးညီညွတ်မှုကို ပြသခဲ့ကြသည်။ ထိုစဉ်က စာချုပ်တွင် တိုင်းရင်းသား တန်းတူညီမျှမှုနှင့် ကိုယ်ပိုင်အုပ်ချုပ်ခွင့်အတွက် အပြည့်အဝ အာမခံချက်များပါဝင်ခဲ့သည်။

သို့တိုင်အောင် နှစ် ၇ဝ နီးပါးကြာမြင့်သည့် ယနေ့အချိန်တွင် ဗိုလ်ချုပ် အောင်ဆန်းနှင့်တကွ တိုင်းရင်းသား ခေါင်းဆောင်ကြီးများ၏ အန္တိမရည်မှန်းချက် များ ပြည့်မီပါ၏လော၊ တစ်နည်းအားဖြင့် ခေါင်းဆောင်ကြီးများ၏ မျှော်လင့်ချက်နှင့် ရည်မှန်းချက် အိပ်မက်များ ပြည့်မီပါ၏လော ပြန်လည်ဆန်းစစ်ကြည့်ရန် လိုအပ်ပါသည်။


ခေါင်းဆောင်တို့၏ မျှော်မှန်းချက်နှင့် လက်တွေ့ဖြစ်ရပ်များ များစွာကွာခြားနေသည်ကို တွေ့မြင်နိုင်ပါသည်။ အကြောင်းအချက်များအဖြစ် နှစ်ပေါင်း ၆ဝ ကျော်ကြာ ပြည်တွင်းပဋိက္ခနှင့် တိုက်ခိုက်မှုများက သက်သေ ပင်ဖြစ်သည်။ သို့ဆိုလျှင် ခေါင်းဆောင်ကြီးများ မျှော်လင့်ခဲ့သည့် တိုင်းပြည်သည် နှစ်ပေါင်းများစွာကြာသည့် တိုင် မည်သည့်အတွက်ကြောင့် ဖြစ်မလာသေးပါသနည်း။

ပြန်ကောက်ယူရပါမူ ပင်လုံစာချုပ်၏ အနှစ်သာရမပြည့်ဝခြင်း၊ စာချုပ်ပါ အချက်အလက်များ လက်တွေ့ ဖြစ်မလာသေးခြင်းကြောင့် မငြိမ်းချမ်းနိုင်သေးသည့် တိုင်းပြည်၊ အများနည်းတူ မဖွံ့ဖြိုးနိုင်သေးသည့် တိုင်းပြည်၊ တိုင်းရင်းသားအချင်းချင်း အယုံအကြည်ကင်းမဲ့နေသေးသည့် အခြေအနေများ ဆက်လက်ဖြစ်ပေါ်နေခြင်းဟု ကောက်ချက်ချ နိုင်သည်။

ပင်လုံစာချုပ်ပါ အချက်များတွင် တန်းတူညီမျှမှုဟူသည့် စကားလုံးအသုံးအနှုန်းပါရှိလာသည်ဖြစ်ရာ တန်းတူညီမျှမရှိသည့် အခြေအနေ၊ တန်းတူညီမျှမရှိဟု ယူဆစရာရှိသည့် အပြုအမူ၊ အယူအဆနှင့် ဖြစ်ရပ်များ ကြောင့် ဗိုလ်ချုပ်အပါအဝင် တိုင်းရင်းသား ခေါင်းဆောင်ကြီးများ၏ ရည်မှန်းချက်၊ မျှော်လင့်ချက် မပြည့်ဝ သေးခြင်းဟုလည်း ယူဆနိုင်ပါသည်။

ဆိုခဲ့သော ပင်လုံစာချုပ်သည် ''စက္ကူပေါ်မှာ ရေးထိုးထားတဲ့ စာချုပ်သာမဟုတ်ပါဘူး၊ ပြည်ထောင်စုကို ယုံကြည်တဲ့ မြန်မာနိုင်ငံသူ နိုင်ငံသား အားလုံး သွေးစည်းညီညွတ်မှုကို ယုံကြည်ပါတယ်ဆိုပြီးတော့ နှလုံးသားမှာ ထိုးထားတဲ့ ကတိကဝတ်ဖြစ်ပါတယ်'' ဟု အမျိုးသား ဒီမိုကရေစီ ဥက္ကဋ္ဌ ဒေါ်အောင်ဆန်းစုကြည်က ပြောဆိုခဲ့ဖူးသည်။ စာချုပ်ပါ အချက်အလက်များကို တန်ဖိုးထား ထိန်းသိမ်းရန်နှင့် တလေးတစား လိုက်နာ ကျင့်သုံးနိုင်ကြရန် ဆိုလိုရင်းပင်ဖြစ်သည်။

အလားတူပင် ပင်လုံစာချုပ်ကို အစွဲပြုလျက်''ပင်လုံစိတ်ဓာတ်ဆိုတာကတော့ တိုင်းရင်းသားများ တန်းတူညီ တူရေးနဲ့ တန်းတူရေးအပေါ် အခြေခံတဲ့ ညီညွတ်ရေးကို ရှေးရှုတဲ့စိတ်ဓာတ်ကို ဆိုလိုတာပါ''ဟု ဒေါ်အောင်ဆန်းစုကြည်က ပင်လုံဟူသည်ကို အဓိပ္ပာယ်ဖွင့်ခဲ့သည်။ 

တန်းတူညီမျှသည်ဟူသည် အခြေခံအ ကြောင်းအတရားနှင့် လက်တွေ့လုပ်ရပ်များ ဖြစ်မလာနိုင်သေးခြင်းကြောင့် ကချင်ပြည်နယ်တွင်း တိုက်ပွဲ များ ယနေ့တိုင် ဖြစ်ပေါ်နေသေးသည်ကို သတိမူရန်လည်း လိုအပ်ပါသည်။ ထိုသို့သော ပင်လုံစိတ်ဓာတ် မရှိပါကဆိုခဲ့သော ပြည်တွင်းပဋိပက္ခသည် မည်သည့်အခါမျှ မချုပ်ငြိမ်း နိုင်သည်ကိုလည်း သတိပေးလိုပါ သည်။

လွန်ခဲ့သော နှစ်ပေါင်း ၆၈ နှစ်က မင်္ဂလာရက် ဖြစ်ခဲ့သည့် ပင်လုံစာချုပ်ချုပ်ဆိုခဲ့ သည့်နေ့ ဖေဖော်ဝါရီ ၁၂ ရက်ကို အထူးတလည်အားဖြင့် ပြည်ထောင်စုနေ့ဟု သတ်မှတ်ခဲ့ပြီး ပြည်ထောင်စုဟူသည့် အဓိပ္ပာယ် အပြည့်အဝရရှိရန်၊ တိုင်းရင်းသားများအတွက် သံသယကင်းရှင်းသည့် တန်းတူညီမျှသော အခြေအနေများ ဖန်တီးပေးရန်လည်း လိုအပ်ပါလိမ့်မည်။

လွန်ခဲ့သည့် နှစ် ၆ဝ ကျော်က အလွန်မင်္ဂလာရှိခဲ့သော နေ့တစ်နေ့ဖြစ်သော ယနေ့တွင်လည်း သမ္မတ ဦးသိန်းစိန်နှင့် တိုင်းရင်းသားခေါင်းဆောင်အချို့ ငြိမ်းချမ်းရေး ရရှိရန် ဆက်လက်ကြိုးပမ်းသွားပါမည့် အကြောင်း ကတိကဝတ် လက်မှတ် ထိုးခဲ့ကြသည်။ သတိပေးလိုသည်မှာ ဒုတိယပင်လုံစာချုပ် မဖြစ်စေဘဲ လက်တွေ့ အကောင်အထည်ပေါ်လာနိုင်ရန် အားသွန်ခွန်စိုက် ကြိုးပမ်းသင့်ကြောင်း တိုက်တွန်းပါသည်။