Friday, May 31, 2013

ကရင်အမျိုးသားသဟာယ အသင်း တရားဝင် မှတ်ပုံ တင်မည်

(KIC)

ကရင်အမျိုးသားတစ်ရပ်လုံးကို စုစည်းလမ်းညွှန်နိုင်ရန် ရည်ရွယ်၍ နိုင်ငံတစ်ဝန်းလုံးရှိ နယ်ပယ်အသီးသီးမှ ထင်ရှား သည့် ကရင်ခေါင်းဆောင်များဖြင့် ဖွဲ့ စည်းထားသည့် ကရင်အမျိုးသားသဟာယအသင်းကို တရားဝင် မှတ်ပုံတင် သွားမည်ဖြစ်ကြောင်း အသင်းဝင်တစ်ဦးဖြစ်သူ စောစေးဝါး (ဒုတိယဥက္ကဌ ကရင်ပြည်သူ့ပါတီ) က ပြောကြားသည်။

“အသင်းကို ကရင်တစ်မျိုးသားလုံး စည်းလုံးညီညွတ်ရေးနဲ့ အမျိုးသားအကျိုးကို လုပ်ဆောင်ဖို့ ဦးဆောင်အဖွဲ့အနေနဲ့ ရည်ရွယ်ပြီး ဖွဲ့ထားတာပါ။ ပါတီအနေနဲ့က သိတဲ့အတိုင်းပဲ။ လုပ်ရကိုင်ရတာ အကန့် အသတ်ရှိတယ်လေ။ အသင်း အနေနဲ့ ကျတော့ပိုပြီး ကျယ်ကျယ်ပြန့် ပြန့် လုပ်လို့ ရတာပေါ့။ အသင်းမှာ ပါတီက လူတွေနည်းနည်းပဲပါမယ်။ တခြား ကရင်အမျိုးသားတွေ အလုပ်အမှုဆောင်အဖွဲ့ မှာ ပိုပါမှာပါ”ဟု စေားစေးဝါးက ကေအိုင်စီသို့ ပြောဆိုသည်။


အဆိုပါအသင်း မှတ်ပုံတင်ရန်အတွက် အသင်းဗဟိုအလုပ်အမှုဆောင်များကို ဇွန် ၈ရက်နေ့တွင် ကျင်းပမည့် ကရင် ပြည်သူ့ပါတီ၏ သုံးနှစ်ပြည့် နှစ်ပတ်လည်အခမ်းအနားအပြီးတွင် ရွေးချယ်သွားမည်ဖြစ်ကြောင်း၊ ဗဟို အလုပ်အမှု ဆောင်အဖွဲ့ ဖွဲ့ စည်းပြီးပါက အသင်းအဖွဲ့ စည်းမျဉ်းများနှင့်အညီ ပြည်ထဲရေးဝန်ကြီးဌာနသို့ တရားဝင် အသင်းအဖွဲ့ အဖြစ် မှတ်ပုံတင်လျှောက်ထားမည်ဖြစ်ကြောင်း သိရသည်။

ယင်းအသင်းကို ကရင်အမျိုးသားထုတစ်ရပ်လုံးကို လမ်းညွှန်စုစည်းနိုင်မည့် ကရင်အမျိုးသား(လူကြီး) ဦးဆောင် လမ်းညွှန်မည့်အဖွဲ့အဖြစ် ရည်ရွယ်ကာ ၂၀၁၃ခုနှစ်၊ မတ် ၁၂ရက်နေ့တွင် အင်းစိန်မြို့၊ ဟိုက်ပတ်လမ်းရှိ စိန်ပေါလ် ခမ်းမတွင် နိုင်ငံတစ်ဝှမ်းလုံးရှိ ကရင်ကိုယ်စာလှယ် ၂၀၀ဦး တက်ရောက်သည့် အစည်းအဝေးတစ်ရပ်ကို ကျင်းပကာ ကရင်အမျိုးသားသဟာယအသင်းကို စတင် ဖွဲ့ စည်းခဲ့သည်။
အဆိုပါအသင်းအနေဖြင့် ကရင်အမျိုးသားများ စည်းလုံးညီညွတ်ရေး၊ လူမှုရေး၊ ကျန်းမာရေး၊ စီးပွားရေး အစရှိသည် များကို လုပ်ဆောင်ရန် ရည်ရွယ်ထားပြီး အသင်းအလုပ်မှုဆောင်ရွေးချယ်ပြီးပါက အသင်းလုပ်ဆောင်မည့် ရည်မှန်း ချက်နှင့် နည်းဗျူဟာများကို အသေးစိတ် ဆက်လက် ညှိနှိုင်းသွားမည်ဖြစ်ကြောင်း သိရသည်။

လက်ရှိတွင် ယင်းအသင်း၌ နယ်ပယ်စုံမှ ထင်ရှားသည့် ကရင်အမျိုးသားများဖြစ်သည့် ပါမောက္ခ စောထွန်းအောင် ချိန်၊ မန်းရွှေပြည်အေး၊ ဦးစန္ဒာဝရ၊ ဆရာတော်မာဂေကြီး၊ ဆရာတော်အောင်ဒင်(တောင်ငူ)၊ ပါမောက္ခ နော်မူမူအေး စသည့် ကရင်အမျိုးသားအမျိုးသမီး ၅၄ဦးတို့ကို ဦးဆောင် နာယကများအဖြစ် အထက်ပါအစည်းအဝေး တက် ရောက်လာသူများက ရွေးချယ်ထားကြောင်းနှင့် ကရင်အမျိုးသားအမျိုးသမီးတိုင်း အသင်းဝင်ရောက်နိုင်ကြောင်း လက်ရှိ အသင်းဝင် ၂၀၀ဦးကျော်ရှိပြီးဖြစ်သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။