Thursday, May 30, 2013

နိုင်ငံရေး ဖြစ်စဉ်များမှ သိသာမြင်သာသည့် တိုးတက်မှု ရရှိရေး အဖြေရှာရန် DKBA ဆွေးနွေးပွဲ ပြုလုပ်မည်

(Eleven Media Group)

နိုင်ငံရေး ဖြစ်စဉ်များမှ သိသာမြင်သာသည့် တိုးတက်မှု ရရှိရေး အဖြေရှာရန် ပြည်ထောင်စု တိုင်းရင်းသားပေါင်းစုံ ဆွေးနွေးပွဲတစ်ရပ် ကျင်းပပြုလုပ်မည်ဖြစ်ကြောင်း တိုးတက်သော ဒီမိုကရေစီ အကျိုးပြု ကရင်တပ်မတော် (DKBA) အဖွဲ့မှ ဗိုလ်ကြီးညီညီက ပြောကြားသည်။

အဆိုပါ ဆွေးနွေးပွဲကို ဇွန် ၁၅ ရက်တွင် ကရင်ပြည်နယ် ဆုံစည်းမြိုင်ကျေးရွာတွင် ကျင်းပမည်ဖြစ်ပြီး ဒီမိုကရေစီ အင်အားစုများ၊ နိုင်ငံရေး ပါတီများ၊ တိုင်းရင်းသား လက်နက်ကိုင် အဖွဲ့များ ပါဝင်မည်ဖြစ်ကာ နိုင်ငံရေးနှင့် သက်ဆိုင်သည့် အဖွဲ့အစည်းများမှ အစိုးရ၀န်ထမ်း အဖွဲ့အစည်းများ မည်သူမဆို ဆွေးနွေးပွဲသို့ တက်ရောက်နိုင်ကြောင်း သိရသည်။


လက်ရှိဆောင်ရွက်လျက် ရှိသော နိုင်ငံရေး ပြုပြုင်ပြောင်းလဲမှုများ၌ ဒီမိုကရေစီရေး၊ တိုင်းရင်းသား တန်းတူညီမျှရေး၊ စီးပွားရေး၊ လူမှုရေး၊ ပညာရေး ဆိုင်ရာများတွင် သိသာစွာ တိုးတက်မှု မရှိသေးကြောင်း၊ အချိန်ကြာလာသည်နှင့်အမျှ ဒီမိုကရေစီ အင်အားစုများ၊ လက်နက်ကိုင် အင်အားစုများ၏ လိုလားချက်နှင့် နိုင်ငံရေး ရည်မှန်းချက်များ အမျိုးမျိုး ကွဲပြားလာသဖြင့် ရေရှည်တွင် နိုင်ငံရေး ရည်မှန်းချက်များ၊ ဒီမိုကရေစီရေး လှုပ်ရှားမှုများ၊ တိုင်းရင်းသား တန်းတူအခွင့်အရေး ရရှိရန် ကြိုးပမ်းမှုများ မှေးမှိန်ပျောက်ကွယ်မည့် အလားအလာ ရှိနေသည်ဟု DKBA အနေဖြင့် ရှုမြင်ကြောင်း ဗိုလ်ကြီးညီညီက ဆက်လက်ပြောကြားသည်။

နိုင်ငံရေး ပြုပြုင်ပြောင်းလဲမှုများ၌ ဒီမိုကရေစီရေး၊ တိုင်းရင်းသား တန်းတူညီမျှရေး၊ စီးပွားရေး၊ လူမှုရေး၊ ပညာရေး ဆိုင်ရာများတွင် သိသာစွာ တိုးတက်မှု မရှိသေးကြောင်း၊ အချိန်ကြာလာသည်နှင့်အမျှ ဒီမိုကရေစီ အင်အားစုများ၊ လက်နက်ကိုင် အင်အားစုများ၏ လိုလားချက်နှင့် နိုင်ငံရေး ရည်မှန်းချက်များ အမျိုးမျိုး ကွဲပြားလာ . . . . .
အထက်ပါကဲ့သို့ ဖြစ်ရခြင်းမှာ ဒီမိုကရေစီ အင်အားစုများဘက်မှ ညီညွှတ်မှု အားနည်းခြင်း၊ လက်တွေ့ကျကျ အခြေအနေ အချိန်အခါနှင့် ကိုက်ညီသည့် ပြည်သူလူထု တစ်ရပ်လုံး လက်ခံကျင့်သုံးနိုင်မည့် လုပ်ငန်းစဉ်များ မရှိခြင်းကြောင့် ဖြစ်ကြောင်း၊ ထို့ကြောင့် ပြည်တွင်းပြည်ပရှိ ဒီမိုကရေစီ အရေးနှင့် တိုင်းရင်းသားအရေး ကြိုးပမ်းဆောင်ရွက်နေသည့် အင်အားစုများ၊ တစ်သီးပုဂ္ဂလ လှုပ်ရှားသူများ၊ လက်နက်ကိုင် အဖွဲ့အစည်းများအား လုံးတွေ့ဆုံ၍ ပွင့်ပွင့်လင်းလင်း ဆွေးနွေးတိုင်ပင် အဖြေရှာသင့်ကြောင်း DKBA အနေဖြင့် သုံးသပ်လျက် ရှိသည်။

၂၀၁၀ ပြည့်နှစ်တွင် DKBA (မူလ ဗုဒ္ဓဘာသာ ကရင်အစည်းအရုံး၊ ယခု နယ်ခြားစောင့်တပ်) ထံမှီ DKBA တပ်မဟာ-၅ ခေါင်းဆောင် ဗိုလ်ချုပ်စောလားပွယ် (ခေါ်) ဗိုလ်နှုတ်ခမ်းမွေး ဦးဆောင်သော အဖွဲ့က ခွဲထွက်ခဲ့ပြီး (တိုးတက်သော ဒီမိုကရေစီ အကျိုးပြု ကရင်တပ်မတော်) ကို တည်ထောင်ခဲ့ခြင်းဖြစ်ကာ လက်ရှိတွင် ဗိုလ်ချုပ်ကြီးအဆင့်ဖြင့် စစ်ဦးစီးချုပ်တာဝန် ထမ်းဆောင်နေခြင်း ဖြစ်သည်။

ဗိုလ်ချုပ်ကြီး စောလားပွယ် ဦးဆောင်သော DKBA နှင့် အစိုးရတို့ကြား ၂၀၁၁ ခုနှစ်တွင် အပစ်အခတ် ရပ်စဲပြီးနောက် ကရင်ပြည်နယ် ဆုံစည်းမြိုင်ဒေသတွင် ဌာနချုပ် ဖွင့်လှစ်ထားခြင်း ဖြစ်သည်။   
          
ယခုနှစ်ပိုင်းများအတွင်း (မူလ DKBA) နယ်ခြားစောင့်တပ်နှင့် ဗိုလ်ချုပ်ကြီး စောလားပွယ် ဦးဆောင်သော တိုးတက်သော ဒီမိုကရေစီ အကျိုးပြု ကရင်တပ်မတော် (DKBA) တို့အကြား တိုက်ပွဲဖြစ်ပွားမှုများ ရှိခဲ့ပြီး ဧပြီ ၂၇ ရက်နှင့် ၂၈ ရက်တွင်လည်း လှိုင်းဘွဲမြို့နယ် မြိုင်ကြီးငူဒေသရှိ ကျေးရွာအချို့၌ DKBA အဖွဲ့နှင့် မဟာမိတ်ဖွဲ့ထားသော ဗိုလ်ပိအဖွဲ့နှင့် နယ်ခြားစောင့် တပ်တို့အကြား တိုက်ပွဲများ ဖြစ်ပွားခဲ့သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။