မြန်မာ-တရုတ် ဂတ်(စ်)ပိုက်လိုင်းဆောက်လုပ်ရေးရုံကြောင့် လယ်သမားများအခက်တွေ့

(တအာင်းမြေ)

ရှမ်းပြည်နယ်မြောက်ပိုင်း၊နမ္မတူမြို့နယ်၊ ပန်လုံကျေးရွာအုပ်စု၊ ပန်သပြေကျေးကရွာရှိ လယ်ပိုင်ရှင်များသည် သဘာဝဓာတ်ငွေ့နှင့်ရေနံပိုက်လိုင်းဆောက်လုပ်ရေးရုံမှ ဒေသခံပိုင်လယ်ခြံမြေအတွင်း ပိုက်ဖြင့်ရေသွယ်ကာ သုံးစွဲနေမှုကြောင့် လယ်စိုက်ပျိုးရန်အခက်အခဲကြုံတွေ့နေရကြောင်းသိရှိရသည်။

မြန်မာ-တရုတ်ပိုက်လိုင်းဆောက်လုပ်ရေးရုံ မှ ဆောက်လုပ်ရေးရုံအတွက် ဦးအိုက်နေ ပိုင်ဆိုင်သည့်လယ်ယာ (၆ဧကကျော်)အတွင်း တရားမဝင်ရေပိုက်ဖြင့်သွယ်ပြီး အသုံးပြုခဲ့သည်မှာ ၂၀၁၁ခုနှစ်မေလကတည်းဖြစ်ပြီး တစ်စုံတစ်ရာ လယ်ပိုင်ရှင်နှင့်ညှိနှိုင်းခြင်း မရှိသည့်အပြင် ထိုစဉ်ကတည်းက လယ်ပိုင်ရှင်များက ကုမ္မဏီတာဝန်ရှိသူများနှင့်တွေ့ဆုံညှိနှိုင်းဖို့ကြိုးစားခဲ့သော်လည်း ကုမ္မဏီမှတွေ့ခွင့်မပြုခဲ့ကြောင်းသိရသည်။ 


လက်ရှိလယ်မြေဧက (၃၀)ခန့်သည် ၄င်းရေကိုသာမှီခိုအားထားသောကြောင့် လယ်စိုက်ပျိုးရာသီပင်ရောက်ရှိနေသော်လည်း မည်သူမှလယ်စိုက်ပျိုးနိုင်ခြင်းမရှိသေးပေ။
 

၂၀၁၃ခုနှစ်၊မေလ(၁)ရက်နေ့တွင် လယ်ပိုင်ရှင်မှပန်လုံအုပ်ချုပ်ရေးမှူးဦးအောင်လှထံ လယ်မြေထဲကျူးကျော် ရေသုံးစွဲမှုဆိုင်ရာ အကျိုးအကြောင်းတင်ပြတောင်းဆိုခဲ့သည့်အတွက် မေလ(၁၅)ရက်နေ့၌ MOGE မှ ဦးဇင်မင်းလတ်၊ ပန်လုံအုပ်ချုပ်ရေးမှူးဦးဆောင်လှအပါအဝင် တရုတ်စကားပြန်တစ်ဦးနှင့် တရုတ်လူမျိုးနှစ်ဦး လာရောက်ကာ လယ်ပိုင်ရှင်နှင့်တွေ့ဆုံဆွေးနွေးခဲ့သည်။ ၄င်းတို့မှ ပိုက်လိုင်းဆောက်လုပ်ရေး တာဝန်ခံ ရှင်မင်းကွမ်နဲ့တွေ့ဆုံဆွေးနွေးရန်သာအကြံပြုခဲ့သည်။ 

"မေလ(၁၉)ရက်ညနေမှာ ပိုက်လိုင်းဆောက်လုပ်ရေးတာဝန်ခံရှင်မင်းကွမ်နှင့်တွေ့ဆုံတော့ သူက ယခုကိစ္စက သူတို့နှင့်တိုက်ရိုက်သက်ဆိုင်တယ်၊ တာဝန်အပြည့်အဝယူပေးမယ်ဆိုပြီး နောက်ထပ်(၂)ရက်မှာထပ်တွေ့ဖို ချိန်းလိုက်တယ်.. နောက်နေ့ရောက်တော့ မြန်မာ-တရုတ် ကန်ထရိုက်ထင်ကျော်၏တပည့် ဦးမျိုးစီ ရွာကို ရောက်လာပြီးနစ်နာကြေး(၅)သိန်းပေးမယ် ဒါပေမယ့်ရေပိုက်ကို မဖြုတ်ပေးဘူးဆိုတော့ ကျနော်တို့က လက်မခံပါဘူး.. ပိုက်ဖြုတ်ပေးမှရမယ်ဆိုပြီးပြောလိုက်တယ်" ဟုလယ်ပိုင်ရှင်မှ ပြောဆိုခဲ့သည်။

တွေ့ဆုံမည့်ရက်ရောက်သော်လည်း တရုတ်တာဝန်ခံမှ မအားသောကြောင့် နောက်ထပ်နှစ်ရက်မှာတာ တွေ့နိုင်မည်ဖြစ်ကြောင်းထပ်မံချိန်းဆိုခဲ့သည်။ 

"ဇွန်လ(၂)ရက်နေ့ရောက်တော့ သီပေါမြို့နယ်အုပ်ချုပ်ရေးမှူးကနေရဲ့ကိုယ်စား တရုတ်စကားပြန် မနွယ်ဆိုတဲ့မိန်းမတစ်ယောက်က ဆောက်လုပ်ရေးတာဝန်ခံ ရှင်မင်းကွမ်နှင့်အတူ အခြားတရုတ်အုတ်လုပ်ငန်း တာဝန်ခံတွေ အိမ်ကိုရောက်လာတယ်..အဲဒီမှာ တရုတ်စကားပြန်မနွယ် ရေဆိုတာ နိုင်ငံတော်ပိုင်ဖြစ်တယ်.. ဘာနစ်နာကြေး၊လျော်ကြေးပေးစရာမလိုဘူး..ရေကိုအလကားလှူသင့်တယ်ပြောတော့ ကျနော့်အဖေက သူမကို ခင်ဗျားပိုင်တဲ့အိမ်မှာ တစ်စိမ်းတစ်ယောက်က ခင်ဗျားခွင့်ပြုချက်မရပဲ အိမ်ထဲဝင်မွှေရင် ခင်ဗျားဘယ်လိုခံစားရသလဲမေးတော့ သူ့မက စိတ်ဆိုးပြီး..ပိုက်ကိုဖြုတ်ပြီး လယ်ရဲ့အပြင်ကနေကိုယ့်ဟာကို ပြန်တပ်မယ် ဘာလျောကြေးမှမပေးဘူးလို့ပြောပြီး တရုတ်တွေကိုခေါ်ထွက်သွားတယ် တရုတ်တာဝန်ခံကလည်း ဘာမှမပြောပဲဒီအတိုင်း ထွက်သွားတယ်'' ဟုလယ်ပိုင်ရှင်မိုင်းအိုက်ငဲမှပြောပြခဲ့သည်။ 

မေလ(၆)ရက်နေ့အရောက်တွင် နမ္မတူမြိ့နယ်အုပ်ချုပ်ရေးမှူး၏ဝန်ထမ်းများ၊MOGEအဖွဲ့နှင့် တရုတ်ပိုက်လိုင်း ဝန်ထမ်းများ ပန်သပြေကျေးရွာသို့ရောက်ရှိလာပြီး လယ်ပိုင်ရှင်(၁၀)ဦးကျော်တို့နှင့်တွေ့ဆုံဆွေးနွေးခဲ့သည်။ ၄င်းတို့မှ လယ်ကွင်းအတွင်းဖြစ်ပျက်နေသည့်အခြေအနေများအား လိုက်လံကြည့်ရှုပြီး MOGE မှ ယခုကိစ္စသည် ကြာမြင့်ပြီဖြစ်သည့်အတွက် ဖြေရှင်းရန်အခက်အခဲဖြစ်ကြောင်းပြောဆိုခဲ့သည်။ လယ်ပိုင်ရှင်များမှ ယခုသက်ဆင်ထားသည့် ရေပိုက်ကိုဖြုတ်ပေးရန်တောင်းဆိုသည့်အခါတွင်လည်း MOGE မှအချိန်ယူရပြီး ဖြေရှင်းရမည်ဖြစ်ကြောင်းသာပြောဆိုခဲ့သည်။

ယခုချိန်ထိ လယ်ကွင်းထဲမှရေပိုက်အား တရုတ်ကုမ္မဏီမှ လာရောက်ဖြုတ်ပေးခြင်းမရှိသည့်အပြင် လယ်ပိုင်ရှင်(၁၀)ဦးကျော်မှလည်း ရေပိုက်မဖြုတ်ပေးပါက လက်ခံနိုင်မည်မဟုတ်ကြောင်း၊ တစ်စုံတစ်ရာ တုံ့ပြန်မှုပြုလုပ်မည်ဖြစ်ကြောင်းသိရှိရသည်။